Ion Antonescu

Ion Victor Antonescu (* 15. Juni 1882 in Pitești; † 1. Juni 1946 in Jilava) isch en rumänische General, Politiker und während em Zweite Wältchrieg vo 1940 bis 1944 de Diktator vom Königriich Rumänie ksi.

De Antonescu isch im Erste Wältchrieg zum General befördert worde und hät sis Heimatland vor Dütsche und Österriich-Ungarische Agriff erfolgreich verteidigt, und isch, nach sim politische Ufstieg i de spate 1930er Jahr, vom Septämber 1940 bis zum August 1944 isch er under de Bezeichnig „Staatsfüherer“ (rumänisch Conducător al Statului) Ministerpräsidänt und Marschall vo Rumänie ksi und hät als solche Rumänie a de Siite vo de Achsemächt i de Zweiti Wältchrieg gführt. Zersch hät er mit de faschistische Iiserne Garde paktiert, dänn aber ab em Januar 1941 mit em Militär allei regiert.

Em Antonescu sis Regime hät über 200.000 Jude und rund 25.000 Roma ermordet.^[1][2] Nachdäm die sowjetischi Roti Armee 1943 Teil vo Rumänie bsetzt hät, isch er 1944 vom König Michael I. gstürzt und 1946 vo de Kommuniste hingrichtet worde.

1. ↑ Viorel Achim: Gypsy Research and Gypsy Policy in Romania 1920–1950. In: Michael Zimmermann (Hrsg.): Zwischen Erziehung und Vernichtung. Zigeunerpolitik und Zigeunerforschung im Europa des 20. Jahrhunderts. Franz Steiner, Stuttgart 2007 (Beiträge zur Geschichte der Deutschen Forschungsgemeinschaft, Bd. 3), S. 157–174.
2. ↑ Antonescu-Diktatur 1940 bis 1944, Süddeutsche Zeitung, abgerufen am 16. September 2012, 16:27